Ferðafélagið Tæfurnar

Eiríksjökull í vor

2008-10-15T12:37:00.000-07:00

Hvernig væri fyrir alvöru tæfur að skella sér á Eiríksjökul í vor:) ?

1/3 hluti stjórnar Ferðafélagsins Tæfanna vildi koma þessu á framfæri:)

2007-06-29T18:44:00.000-07:00

Baráttufundur í Flóanum 28.. júní 2007

Sól í Flóanum, áhugahópur um verndun Þjórsár heldur baráttufund við Urriðafoss á sunnudaginn 1. júlí kl. 15:00. Náttúruunnendur, áhugafólk um verndun fossins og Flóamenn allir eru hvattir til að mæta og sýna þannig hug sinn. Fólki er bent á að sameinast í bíla eins og kostur er, nota bílastæði fjær fossinum, koma gangandi, á reiðhjóli eða ríðandi eða gera annað það sem kemur í veg fyrir bílastæðavandamál.Dagskráin verður stutt og hnitmiðuð, nærveran við fossinn verður aðalatriðið. Sól í Flóanum.

Þeim sem vilja sjá Þjórsá allt upp í Þjórsárdal er bent á að opinn sumarbústaður verður í Hagalandi um helgina hjá Guðbjörgu Friðriks og Sigurði L. Einarssyni. Þau bjóða kaffi og náttúruskoðun frá hádegi. Upplögð byrjun á góðum baráttudegi við Þjórsá.

Náttúruverndarsamtök Íslands, Reykjavíkurakademían, Hringbraut 121, 107 Reykjavík - S: 551 2279 Netfang: nsi@mmedia.is www.natturuverndarsamtok.is

Æfingaferð fyrir Laugarvegsferðina
Fyrsta æfingaferðin verður farin á Skálafell á Hellisheiði kl.19:30. Sjá fjallabókina 151 tind:) Fararstjóri verður tæfan Halla:)

2007-06-06T11:56:00.001-07:00

Ekkert að gerast?

2007-05-18T15:57:00.000-07:00

Og verðum við þá ekki að skipuleggja eina ferð saman, þar sem við erum allar í svona miklum ferðahug??
Ég fer reyndar með þér Jana á Hvannó næstu helgi!:)
sem fararstjóri ;)

2007-05-10T16:25:00.000-07:00

Heisann hoppsann minns er kominn með höfundarrétt á blogginu:)

Planið mitt fyrir sumarið er einfalt... Ég ætla að eiga afmæli í Landmannalaugum og allir eru velkomnir í afmælisbað 27.júlí hahahaha svo ætlum við familían og nokkrir vinir að labba Laugarveginn á 4 dögum frá 28.til 31. og fólk er velkomið að ská sig með:)

Svo ætla ég að fara ríðandi í kringum Skeljabrekkufjallið og Hafnarfjallið en það er ekki komin dagsetning á það enn, en það er 2 daga ferð:)

Svo ætla ég að vaða allar ár á Vesturlandi í allt sumar.

Það eru ferðaplönin mín í dag:)

Sumarið 2007

2007-04-15T13:58:00.000-07:00

Ég er líka búin að negla niður mitt sumar. Verð mikið í "útlöndum" þetta sumar eins og það síðasta. Svona verður þetta sirka bát:

maí - Hvannadalshnúkur

8.júní - 20. júní: Hvallátur á Breiðafirði - æðadúnsleit fram í rauðan dauðan :)

22.júní - 30. júní: Norðurfjörður, Hornbjarg, Hrollleifsvík, Bolungavík (á Hornströndum), Furufjörður, Reykjafjörður....og fleiri skemmtilegar fellingar á þessari leið.

7.júlí - 14. júlí: Hvallátur á Breiðafirði - lundaveiði, lúðuveiði, siglingar, göngur, sólböð og fleira.....geðveikt!!

8. ágúst....Skólinn byrjar aftur :(

Sem sagt fullt af lausu plássi seinnihluta sumars fyrir skemmtilegar ferðir :)

Sumarið 2007

2007-04-11T15:20:00.000-07:00

14 apríl - Ferð með Ísalp á Skessuhorn???

xx maí - Hvannadalshnúkur

28 júní til 1 júlí - Laugavegurinn

18-21 júlí - Hornstrandir, Reykjafjörður í Látrabjarg

xx - tveggja nátta ferð i kringum Langasjá

xx - tveggja nátta ferð umhverfis Svartahnúksfjöll (Ófærudalur, Strútslaug, Tungufljótsbotnar)

xx - dagsferð á Eiríksjökul (þar sem við förum ekki 9 apríl sökum veðurs)

xx - dagsferð á Baulu

..... svo eitthvað sé nefnt, en þetta langar mig allavega að gera í sumar.
Hvað með ykkur???

Ferðaplan 2007

2007-04-04T07:00:00.000-07:00

Hvernig væri nú að fara að endurvekja þetta hérna og setja inn hugmyndir fyrir sumarið komandi??!!:)

Fyrsta ferð:
9 apríl á Eiríksjökul!!

Annað sem ég er með planað er Laugavegurinn 21 júní í fjóra daga og svo Hornstrandir eða hluti af þeim 18 júlí í 4-5 daga!!:)

líf og fjör
Elsa

Og enginn fór laugaveginn...

2006-07-31T06:25:00.000-07:00

.. nema jú laugavegshlaupararnir, en sem var fyrstur fór hann á innan við 5 klst!!! 55km á 5 klst, geri aðrir betur, stefnum á þetta hlaup að ári!!
Ég er komin úr sumarfríi og er til í göngu, stefnan tekin norður næstu helgi samkvæmt dagskránni, ganga dettifoss-ásbyrgi, hef ekki hugmynd hvort einhverjir fleiri ætli með en mig dauðlangar allavega og skv veður spánni núna á að vera best fyrir norðan þannig að þetta er svæðið.
svo er víst sigurrós að spila í ásbyrgi, annað hvort á föstudag eða sunnudag, búin að heyra báðar dagsetningar í blöðunum, veit einhver rétta dagssetningu???
Og hvern langar með???
Veit að Halla er að fara í gæslu í eyjum og en Jana, hvað er hún að fara að gera???

meira síðar..
Elsa

Laugavegurinn

2006-07-12T02:52:00.000-07:00

Jæja þá nálgast fyrirhuguð Laugavegsferð.
Staðan hjá mér er þannig að kærastinn minn, Maggi, ætlaði með mér í þessa ferð og þar sem við erum bæði í sumarfríi langar okkur auðvitað að vera saman, nema hvað að um síðustu helgi tókst honum að slasa sig á hné og er því ógöngufær þannig að við komum ekki með í ferðina því miður. Þessi ferð er einmitt á to do listanum mínum fyrir sumarið, kannski getum við farið í ágúst þegar hann er búin að jafna sig en allavega er Halla geim veit ég og örugglega Jana líka þannig að þeir sem hafa áhuga á að fara með hafi samband við þær.
Hasta luego!!:)

Update

2006-07-05T04:04:00.000-07:00

Jæja bara svona ef einhver les þetta.
Þá er nú lítið að gerast hjá félaginu þessa dagana en meðlimirnir eru að sjálfsögðu á fullu hver í sínu horni, ég fór t.d. á hornstrandir á miðvikudaginn síðasta fram á laugardag og var það mjög góð ferð, fengum frábært veður á fimmtudeginum en þoku á föstudag og laugardag en samt var mjög hlýtt og engin vindur né rigning, sjá myndir hérna og hérna. Ég veit að Jana er á hornströndum núna og vonandi er ekki mikil rigning hjá henni, hún verður þar fram á fimmtudag minnir mig og þá búin að vera í 8 daga ef ég man þetta allt saman rétt. Halla var svo í brúðkaupi síðustu helgi og var veislustjóri og ef ég skildi hana rétt þá gekk það alveg glimrandi vel hjá henni, enda ekki við örðu að búast!!;)

Næst ferð er heitið á Laugaveginn, brottför í Landmannalaugar föstudaginn 14 júlí, gist þar og svo stefnt á að labba niður í Þórsmörk á nokkrum dögum, óákveðið nákvæmlega hvernig það verður þar sem sumir þurfa að mæta í vinnu á mánudag en aðrir ekki.
Þeir sem hafa áhuga á að koma með endilega hafið bara samband, allir velkomnir.
Ekki meira í bili.
Elsa

Ég er á lífi og á leiðinni.....!

2006-07-04T17:31:00.000-07:00

Hæ og hó Tæfur!!
Sé að ég hef bara misst að meiriháttar ferð :( Ekki það að dagarnir mínir á Hornströndum hafi verið leiðinlegir :) Þvert á móti :) Verð að koma með nýja skó eftir ferðina....en það er önnur saga :)

Skrifa meira um það seinna....vildi bara segja HÆ og ég hlakka til næstu ferðahelgar.

Janus undir-tæfi.

Bruni

2006-06-26T06:35:00.000-07:00

Góð helgi að baki. Komumst norður á föstudagskvöld, komumst ekki alla leið á kerlingu á laugardag en langleiðin þó á 9 tímum, komumst ekki í sund á akureyri, komumst í sturtu þó sem var mjög ljúft, brunnum öll á einn eða annan hátt og mismikið, komumst á mývatn á sunnudegi, komumst í lofthelli, og komumst öll heim heil á húfi en þó aðeins seinna en plön stóðu til!
Frábært, takk fyrir frábærar móttökur Svana!!
Myndir og fleira síðar.

Lofthellir

2006-06-23T06:22:00.000-07:00

Erum að fara að leggja í hann norður eftir vinnu í dag, ennþá séns ef einhver vill koma með!!
Rosa góð spá fyrir helgina:
Á morgun, laugardag: Hægviðri og lítilsháttar súld allra vestast síðdegis en annars nokkuð bjart veður. Hiti frá 5 stigum við norður- og austurströndina uppí 17 stig, hlýjast norðanlands.
Á sunnudag: Hæg suðlæg átt og súld með köflum vestanlands, en víða bjart eystra. Hvessir dálítið og fer að rigna vestan til um kvöldið. Hiti 10 til 18 stig, hlýjast á Austurlandi.

Lofthellir er í Laxárdalshrauni eldra sem kom úr Ketildyngju fyrir um 3500 árum. Heildarlengd Lofthellis er um 370 metrar og er hann með allra skemmtilegustu hraunhellum hér á landi. Ísmyndanir hellisins eru mikilfenglegar og bjóða upp á meiri fegurð, stærð og fjölbreytileika en í öðrum hraunhellum hér á landi. Á nærri 70 metra kafla í hellinum er lofthæðin 10-15 metrar og breidd niðri við gólf víðast um 15 metrar
Lítið er um hraunmyndanir í Lofthelli, s.s. hraunstrá og dropasteina, þó fyrirfinnst þar hvort tveggja, en dropasteinarnir eru bæði fáir og stuttir. Útfellingar, ísmyndanir, geimurinn mikli og hin miklu þrengsli skipa honum hins vegar sess meðal skemmtilegustu hraunhella landsins.

Góða helgi allir saman!!:)
Elsa

Norðurland

2006-06-19T04:04:00.000-07:00

Jæja þá er komið gróflegt plan fyrir næstu helgi. Planið er sem sagt að fara norður á föstudagsseinnipart þegar fólk er búið að vinna og bruna alla leið á akureyri þar sem við ætlum að hitta hana Lilju.
Á laugardag er svo stefnan sett á fimm tinda í einu en þeir helstu eru einmitt Kerling (sjá fyrir neðan) og Súlur en þessir tindar eru rétt við bæjardyr akureyringa. Á sunnudag á síðan að skoða helli, sem ég veit eiginlega ekkert um en Halla verður að segja betur frá honum en mér skilst hann sé mjög fallegur. Og svo heim á sunnudagskvöld. mér líst MJÖG vel á þetta plan og er strax farin að hlakka til!!!:)
Þeir sem fara pottþétt eins og staðan er núna eru ég og Halla og Lilja en allir eru velkomnir með bara hafa samband. Jana kemst ekki því hún verður farin á hornstrandir eða er að fara þangað strax í næstu viku!!!
En hún Jana er núna útí eyju þannig að ég tek að mér skrif hérna þessa dagana og Halla bara út á túni að gera við girðingar!!!;)
meira seinna.
yfir og út!!
elsa

Kerling..

2006-06-19T04:00:00.000-07:00

er hæsta fjall við byggð á Norðurlandi, talið vera um 1540 m y.s. Uppi á því er talsverður fjallsflötur, sem hallar dálítið suður, og er fjallið því hæst á norðurbrúninni. Vanalega þekur jökulfönn mestallan toppflötinn, en gróður er aðeins við brúnirnar, mosi og fáeinir steinbrjótar. Allstór landmælingavarða er uppi á fjallinu við NA-brúnina og í henni askja með nöfnum þeirra sem klifið hafa fjallið. Það telst nú ekki til afreka, en þægilegast er að ganga á fjallið frá Glerárdal, upp NV-öxlina.
Þrjár miklar jökulskálar eru utan í fjallinu, sú stærsta að norðanverðu (NNA) og er það raunar botninn á dalskoru sem Lambárdalur nefnist, en í honum liggur Lambárjökull upp að hengiflugunum norðan í fjallinu, sem munu vera um 300 m hár og nær alveg þverhníptur klettavegggur. Vestan í fjallinu er önnur mikil jökulskál, sem ekki er nafngreind, og vísar niður á varpið milli Glerárdals og Finnastaðadals og loks er jökulskálin Lambárbotnar suðaustan í fjallinu og vísar niður á Finnastaðadal. Er þar góð uppganga á vetrum, en stundum miklar sprungur í jökulskálinni á sumrin, sem þarf að krækja fyrir. Austan og sunnan í Kerlingu eru einnig grunnar skálar, en jökullausar. Suðaustur úr Kerlingarfjalli gengur fjallsrani, norðan við Lambárbotna, og kallast Öxlin (Kerlingaröxl). Að austan endar Öxlin í burstlega fjallstindi séð frá Grund (en þaðan ber lítið á hæsta fjallinu). Er þessi tindur líklega Kerlingin, sem gefið hefur fjallinu nafn, en í seinni tíð hafa gamansamir menn nefnt hana Jómfrúna. Á Öxlinni eru líka fleiri smátindar, sumir með ekta kerlingar"-lagi.

Það tókst!!!:)

2006-06-16T02:38:00.000-07:00

óggislega kúl hjá þér jana!!
nú get ég farið að skrifa á fullu af því að ég er svo duglega að skrifa á bloggið mitt!!!:)

góða helgi stelpur mínar, við sjáumst síðar!!
Elsa

Tæfa hæfa

2006-05-30T10:00:00.000-07:00

Jæja Tæfur....ég held að ég sé búin að búa þannig um hnútana að þið hafið nú færi á að skrifa á þessa yndislega fallegu bloggsíðu.

Vonum það besta. Alla vega - önnur ferð Tæfanna og sú fyrsta opinbera var farin á laugardag. Mættar vour yfirtæfurnar þrjár og Helga systir með og svo auðvitað Tumi hundur, svo við myndum rata aftur heim. Stefnan var upphaflega tekin á Heklu en vetur konungur var víst ekki tilbúin að sleppa takinu af Heklu prinsessu. Því var ákveðið að fara í göngu fyrir ofan Hveragerði eða Vera hvergi eins og sumir segja. Eins og alvöru fjallageitum sæmir þá fór maður bara beint af augum, upp fjall, niður fjall, upp fjall, niður í gil, upp á fjall, on´í dal, vaða á, upp á fjall og svo framvegis:

Lykilorð ferðarinnar voru nokkur.

Sniglar: (Gastropoda) eru af fylkingu lindýra (Mollusca) en í þeirri fylkingu eru meðal annars samlokur og kolkrabbar, svo nefndir séu kunnustu hópar lindýra. Sniglar eru langstærsti hópurinn innan innan fylkingarinnar, telja um 65 þúsund tegundir og eru um 80% allra tegunda lindýra. Sniglum er skipt niður í þrjá undirhópa: Fortálkna, bertálkna og lungnasnigla. Barnamosi: (Sphagnum) er ættkvísl mosa sem eru afar rakadrægir. Íslenska heitið er komið til af því að hann var settur undir hjá ungbörnum og dró í sig þvag þegar þau migu undir. Hann hefur einnig notagildi eins og að vera jarðvegsumbót, einangrun, gleypir, og eldsneyti. Dæmi voru til þess að hann væri notaður sem nokkurs konar dömubindi með því að vefja hann í léreft og sem sáraumbúðir (í mosanum er bakteríudrepandi efni).

Tæfa: Undurfalleg kona sem hefur það áhugamál að stappa á fjöllum. Tæfa mun ekki finnast upp í sófa á fögrum sumardegi. Þar sem mig vantar hálfa rasskinn eftir ævintýri dagsins verð ég að segja pass við Hvannadalshnjúk en líst vel Fimmvörðuháls þar á eftir.

Jana yfirtæfa númer 3!!

1. ferð: Hekla 27. eða 28. maí.

2006-05-21T15:48:00.000-07:00

Hekla þú ert hlálegt fjallað
haga þér til svona.
Einatt kemur öskufall
úr þér góða kona.

Hekla er frægasta eldfjall á Íslandi og um leið eitthvert frægasta eldfjall á jörðinni. Við hana hefur verið tengd margvísleg hjátrú á öldum áður. Steinakast frá Heklugosi rotaði eitt sinn mann sem stóð í kirkjudyrunum í Skálholti...og geri aðrir betur.

Meiri saga: http://www.os.is/~ah/hekla/heklufjall.html

Fjallið stendur fallega og einstakt yfir Suðurlandinu og hæðin þykir mikil á íslenskan mælikvarða, tæpir 1500 metrar, breytileg vegna gosvirkni og jarðskorpuhreyfinga. Allöng en fremur auðveld leið á eitt besta útsýnisfjall landsins og frægasta eldfjallið. Engrar sérkunnáttu er krafist en gæta verður að snjóholum þar sem hiti er í fjallinu.

Stundum er spurt hvort menn gætu átt á hættu að lenda í þeirri óskemmtilegu og einstæðu reynslu að vera uppi á fjallinu við upphaf eldgoss í því. Auðvitað getur svo farið en áhættan er afar lítil. Hitt vita menn svo gjörla að fyrirvari á gosum t.d. á skjálftamælum er oft ekki nema 30-60 mínútur.

Jæja, jæja. Hver er með í ferð að þessu hliði Helvítis???

2006-05-14T11:20:00.000-07:00

Fyrsta fundi hjá Ferðafélaginu Tæfunum var að ljúka með léttri gönguferð á Varmalækjarmúla. Það eru komin fyrstu drög að dagskrá til hliðsjónar fyrir sumar svo kemur bara í ljós hvað gerist.

27. eða 28. maí : gönguferð á prinsessu fjallanna. HEKLA.

Hvítasunnuhelgin 3.-5. júní : Hvannadalshnjúkur

17. - 18.júní : Fimmvörðuháls + gönguleiðir í Þórsmörk

24. - 25. júní : Farið norður (Glerárdalshringur eða Súlur-Kerling)

2.júlí : Skessuhorn

14. - 16. júlí : Laugarvegur

5. - 6. ágúst : Ásbyrgi - Hljóðaklettar - Dettifoss

19. - 20. ágúst : Langisjór og svæðið þar í kring / Reykjavíkurmaraþon

fyrsta plan

2006-05-01T15:13:00.000-07:00

Svona verður sumarið!!